O ENGANO DA PANTASMA

Son tempos de Samaín. Tempos escuros, fríos e húmidos que se prestan a sentarse ao redor da lareira ou, de non ser posible, cerquiña do radiador, ven xuntiñ@s para entrar en calor, a contar historias arrepiantes. En Lestedo tomaron boa nota disto e decidiron crear o seu propio conto partindo das imaxes duns dados moi inspiradores. Foron achegando ideas entre todas e todos e de aí xurdeu a historia titulada O engano da pantasma. Traballaron arreo creando as personaxes, escribindo os textos , ilustrándoos, maquetándoos... O resultado final púxolles a tod@s os pelos de punta e sen dúbida ocupará un espazo moi importante na biblioteca de aula.