NOVAS MARIONETAS

  Un dos xogos favoritos dos nosos alumnos é o de representar contos con marionetas. Ata o momento as que tiñamos eran as de Carapuchiña vermella e as dos tres porquiños:

  Pero agora contamos con tres marionetas novas que nos van permitir inventar moitos máis contos:

• PAPANOEL:

• UN REI:

• E UNHA BRUXA:

GARAVANCIÑO

   Como o tema da biblioteca deste ano son as legumes, traballamos o conto de Garavanciño da editorial Kalandraka. Primeiro leímolo e desfrutamos das súas aventuras e logo debuxamos as escenas. E éste foi o resultado:

BOLECHAS NA REAL ACADEMIA GALEGA

O pasado xoves 1 de decembro os nosos alumnos de primaria e de 5 anos visitaron a Real Academia Galega para asistir á presentación da nova colección dos Bolechas sobre as Letras Galegas.

CONTOS VELLOS PARA RAPACES NOVOS

Desde o equipo de normalización lingüística traballaron un libro de Xosé Neira Vilas: Contos vellos para rapaces novos. Elexiron un dos contos de ese libro, Os tres irmáns e o vello sabio, e representárono:

CONTANDO EN FEMININO

   O 25 de novembro celebrouse o día internacional contra a violencia de xénero e por iso contamos cun taller de contos sobre a igualdade que foi por todas as escolas do CRA. Así contounos dous contos: ARTUR E CLEMENTINA e  A HISTORIA DOS BONOBOS CON LENTES de Kalandraka.

 

CARNÉS DA BIBLIOTECA

   Ó igual que nos cursos anteriores elaboramos os carnés da biblioteca para os novos alumnos e alumnas.

NOVO CURSO 2016-2017

    Como en cursos pasados desde a biblioteca xa estamos a levar a cabo a actividade da maleta viaxeira (que consiste nunha maleta chea de contos que estará en cada escola do CRA un mes) e a mochila viaxeira (que cada alumno levará para a súa casa unha semana).
    Ademáis comezamos a actividade do libro viaxeiro (un para cada escola), este curso sobre as legumes e no que cada alumn@ inventará un conto no que eles son os protagonistas e no que apareza unha legume.