martes, 2 de mayo de 2023
lunes, 1 de mayo de 2023
CONMEMORANDO O DÍA DE NEIRA VILAS
O gran protagonista do mes de novembro nas nosas escolas é o escritor Xosé Neira Vilas. Este é o mes do seu nacemento e tamén o do seu pasamento e como tódolos anos quixemos renderlle homenaxe. Durante varias semanas traballamos sobre os seus poemas recollidos no libro-CD Cantos de sol a sol, musicados polo compositor estradense Xosé Lueiro. Despois, o día 2 de decembro visitamos en Gres a súa casa natal, sede da fundación que leva o seu nome. Aquí as nenas e nenos de cada escola dirixidos pola mestra de Música e polas súas titoras e titor fixeron unha pequena escenificación dos poemas traballados na clase. Esta e outras actividades realizadas nesta visita, explícanse con máis detalle no artigo ao que se pode acceder premendo na seguinte ligazón.
As lecturas dos clásicos son moi válidas para reflionar sobre a perspectiva de xénero cunha mediación adecuada.
Sección temática na biblioteca
25N: ESCRIBIMOS PARA RECORDAR
Unha das funcionalidades da escritura é a de recordar. Por iso empregamos a escrita dos nomes das mulleres asasinadas en 2022 por violencia de xénero para nomealas e darlles o seu lugar no noso recordo.
A lectura de libros temáticos de calidade tamén foi un dos recursos empregados para traballar este tema.
domingo, 30 de abril de 2023
DÍA DAS MULLERES AUTORAS
En outubro resaltamos dúas datas na nosa axenda escolar: O Día das Bibliotecas, día 24, e o Día das Mulleres Autoras, día 17, que ten como obxectivo darlle visibilidade e reivindicar o labor e o legado das escritoras ao longo da historia. Este curso celebramos estas datas achegándonos á figura e obra de distintas escritoras en lingua galega, castelán e en inglés.
As autoras escollidas foron: Susana Isern, Helga Bansch, Julia Donaldson, Mar Benegas, Gloria Fuertes, Concha blanco, Paloma Rodríguez e Beatrice Blue.
Os libros traballados, divididos en lotes para as distintas escolas, foron os seguintes:
Beatrice Blue
Premer sobre a imaxe
Na clase de Música traballouse unha obra de Helga Bansch, "Chocolata", e na clase de Ingles "No Room on the Broom" de Julia Donaldson.
Sección temática vinculada a esta conmemoración
DÍA DAS BIBLIOTECAS
Sección temática con fondos nos que as bibliotecas ou libros teñen un papel principal.
sábado, 29 de abril de 2023
CRATECA MÓBIL
A crateca móbil é xa un recurso permanente na nosa escola.
Realizamos unha rotación por trimestre na que incluímos ao redor de 50 títulos de todas as tipoloxías textuais, procurando poñer en circulación as novidades do curso anterior.
Os fondos quedan a disposición das familias e eles escollen segundo os seus gustos e intereses. É a través da crateca móbil como se realiza o empréstito de fondos ao alumnado, e non a través da biblioteca central, pouco eficiente tendo en conta a nosa dispersión.
martes, 14 de junio de 2022
Suscribirse a:
Entradas (Atom)