Has de cantar meniña gaiteira…has de cantar familia CRATECA.
Que fermosos son os poemas cantados, verdade?
Como ben sabedes, o 21 de marzo celebrouse o Día da poesía malia que, para nós, este xénero literario forma parte do día a día. Así, Neira Vilas e Rosalía de Castro foron uns dos protagonistas deste curso académico; as nosas aulas están cargadiñas dun fondo documental importante do que temos o privilexio de poder gozar.
Déixovos cun poema que inventamos na aula. Di así…
Has de cantar neniña e neniño,
Has de cantar escoliña de niño
Has de saber que neste CRA andamos a traballar o camiño.
Exeria, a peregrina que comparte connosco este curso, tivo a gran idea de propor unha actividade dedicada ao Día Internacional da Muller (8M). Así pois, grazas á implicación das familias das nosas escolas, coñecemos multitude de experiencias de mulleres que fixeron o Camiño de Santiago (dende os seus nomes até as anécdotas que lles aconteceron ao longo do percorrido). Con estas historias fomos quen de analizar como cambiaron as sociedades xa que, hoxe en día e a diferenza de hai anos, é posíbel observar a mulleres peregrinando soas. Este día vai por vós (mamás, mulleres, avoas, médicas, mecánicas, obreiras, mestras, dependentas....) porque o valedes! Grazas polo voso traballo, esforzo e dedicación. Grazas por ser únicas e invencibles. Con todas as andainas contadas fixemos unha exposición como moitos/as de vós puidestes ver nas nosas escolas. Dada que a nosa actuación foi excelente, acadamos o primeiro selo para a nosa CREDENCIAL. Estamos a piques de ser auténticos peregrinos! Ensínovos os fantásticos selos que creamos!
 |
Non cabe dúbida que este ano o Entroido será especial e diferente no noso CRA. Non poderemos disfrutar de moitas das actividades tradicionais que viñamos facendo anos anteriores en compaña das nosas familias e compañeiros/as, pero non por ser diferente, vai ser peor.... Así que este ano os mandados do burro de entroido veñen ben curiosos! Lede atentos/as as coplas que nos manda para toda a semana que algo curioso se está a argallar nas escolas do CRA!
Para ao final da semana un vídeo moi especial recibir....
Un peregrina seica anda moi perdida, e so nenos e as nenas do
CRA a deberemos axudar...
Tod@s preparad@s... Comezamos a investigar!!!
Mirade que perdida anda a nosa peregrina....
Dende as diferentes escolas traballáronse distintos contos que cada titoría escolleu segundo os intereses do seu alumnado. A partir da lectura de distintos contos, xurdiron un sinfín de propostas de actividades de aula que vedes resumidas a continación e outras moitas que foron xurdindo segundo as necesidades e intereses do noso alumnado.
Se clicades na imaxe accederedes a unha sección mais amplidada do día da Paz 2021 no CRA.
Co comezo do ano, preparamos o mes de xaneiro pensando en adicarllo á paz e ao álbum ilustrado, sen esquecernos do inverno que nos acompaña. A sección temática deste mes achéganos a un amplo abano de posibilidades de lecturas de álbumes ilustrados, con texto e sin el, que nos achegarán a reflexionar sobre a importancia da paz e sobre características persoais dos seres humanos que farán mais levadeiro un mundo en paz. Achegamos outros álbumes ilulstrados sinxelos sin texto, para que quen quiera poida comezar a traballar este tipo de texto.
Chegamos ao remate do noso primeiro trimestre. e como non podía ser doutra maneira, cos nosos mellores desexos e festexos para o vindeiro ano novo, cargado sobre todo, de moita saúde e grandes momentos por compartir. Velaquí unha pequena mostra dos traballos dos últimos días nas escolas do CRA: lectura de contos, traballos de textos e palabras significativas, postais de felicitación para as familias, cartas de Nadal, agasallos, manualidades... e sobre todo moito moito amor! Boas Festas!
