Samahin, a orixe celta do samaín

 

 Artigo no rukutru                                      Preme sobre a imaxe

DÍA DAS MULLERES AUTORAS NA ESCOLA DE CAMPORRAPADO

Preme sobre a imaxe para obter a información

DÍA DAS ESCRITORAS E DÍA DAS BIBLIOTECAS

Os días 18 e 24 de outubro conmemóranse o Día das Escritoras e o Día das Bibliotecas respectivamente, así que pensamos que a mellor maneira de celebralos sería achegando unha selección da obra de diferentes autoras, a maior parte delas galegas, ás nosas escolas. Durante unha semana estivéronse a ler distintos libros e a traballar sobre as súas autoras coa intención de coñecelas un pouquiño máis, descubrindo información sobre as súas vidas que nos axudou a humanizalas, a comprender que detrás deses nomes hai persoas coma elas e eles, un pouquiño maiores iso si, que decidiron adicar as súas vidas a facer máis felices as dos demais a través das súas historias. Na escola de Camporrapado incluso conseguiron comunicarse con  Olaya Naveira a través do seu instagram para obter resposta sobre dúbidas que lles foron xurdindo ao traballar a súa obra.

Quen sabe se o feito de coñecer mellor a estas mulleres e a súa obra serve de inspiración para que nun futuro algunha das nosas alumnas ou alumnos se animan a converterse en grandes autoras ou autores. 

As autoras escollidas foron: Gloria Sánchez, Mª Fe Quesada, Iria Fafián, Concha Blanco, Olaya Naveira, Eva Mejuto, Fina Casalderrey, Teresa Lima, Patricia Castelao, Ana Carreira, Noemí López, Charo Pita, Fátima Afonso, Paula Carballeira, Blanca Millán, María Reimóndez, Vanesa Álvarez, Teresa Moure, Rosalía de Castro, Magdalena Matoso, Xoana Almar e María Canosa.

E estes foron os libros traballados divididos en lotes para as diferentes escolas:

RECOMENDACIÓNS DE VERÁN

 Comezamos o longo verán e, que mellor que unhas lecturas para amenizar os longos días.  Aquí vos deixamos as recomendacións do Equipo de Dinamización da Biblioteca. 

Ademais, desde o CRA ampliamos o tempo de empréstito de biblioteca a todo o verán. Podedes achegarvos á biblioteca os 23, 24, 25, 28, 29 e 30 de 10 a 13h para escoller os que máis vos guste e desfrutar deles ata o comezo do vindeiro curso (do 1 ao 7 de setembro).

EXTRA, EXTRA! ÚLTIMAS NOVAS

 O curso chega ao seu fin, e con el queremos dar mostra de todo o que fixemos en relación ao noso proxecto de centro sobre o Camiño de Santiago no seguinte telexornal e xornal escolar. 

                                                                        Bo Camiño!

Xornal Escolar

5 DE XUÑO, DÍA MUNDIAL DO MEDIO AMBIENTE

Exeria conseguiu chegar a Santiago e, para agradecernos a nosa axuda, enviounos postais dalgún dos lugares por onde pasou. Foi divertido xogar a localizalos nun mapa e descubrir así o traxecto que realizou. Ademais, aproveitamos a cercanía do 5 de xuño, Día mundial do Medio Ambiente, para reflexionar sobre a importancia das zonas verdes nas cidades e do seu coidado, do consumo de productos locais, ...

Eiquí podedes ver unha pequena mostra deste traballo.

É HORA DE LER

Uns minutos de lectura diaria nas escolas foi outra das actividades que nos acompañou no noso día a día.