RODARIRRODARI

   O martes 15 de marzo volvemos sair a ver un espectáculo de Abanca. Desta vez un espectáculo musical no que nos contaron a historia do tranvía Leonardo, o primeiro tranvía a vapor de Galicia que facía o traxecto Marín-Pontevedra.
   Esta obra é un relato a cabalo entre a realidade e a fantasía, unha ficcionalización da historia que axudou a espertar a imaxinación e a creatividade dos nenos.
   Aprendemos ritmos de música popular e moitas cancións tradicionais ou coñecidas adaptadas a esta historia. E desfrutámola un montón, preparándoa, véndoa, cantando, bailando e aplaudindo a rabiar.

CONTO UDICOM

   Esta semana traballamos cun conto da páxina UDICOM. Primeiro limos o conto, logo repartimos os debuxos que o representaban a varios nenos para que finalmente os nenos que non tiñan debuxo colocaran ós seus compañeiros con debuxo por orden nunha fila e así montar o conto escoitado.
   Nas escolas de primaria complicámolo. Unha vez colocados os nenos cós debuxos do conto pedímoslles ós nenos que se descolocaran na fila e volvelo colocar, ésta vez sen axuda previa da lectura do conto.

Actividade de lectura colectiva

   Na escola de San Xián, xa que hai unha aula de infantil e outra de primaria, levan a cabo sesións de lectura colectiva nas que os de primaria len contos ós nenos de infantil e logo á inversa.

AURORA

     O pasado luns 29 de febreiro fixemos unha saída ó auditorio ABANCA para desfrutar do espectáculo musical que mestura teatro de actor e videocreación: Aurora.
     Aurora é a historia dun aviador que perdeu á súa avoa e no viaxe que fixo para buscala atopouse coa raíña das curuxas, á que non lle gustaba o sol porque se queimaba, polo que o aviador quixo axudala. Ó final a raíña deuse conta de que non podía eliminar o sol e decidiu durmir polo día e vivir pola noite. O aviador regresou a casa sen esperanzas de atopar a súa avoa e alí apareceu ela.

TALLER COEDUCATIVO

   A semana pasada contamos nas nosas escolas coa visita de Yoli, a psicóloga do centro de información á muller do concello de Boqueixón, que veu levar a cabo un taller coeducativo: Marea e Alén poñendo do dereito un mundo do revés.
   Primeiro, cós bonecos de Marea (unha nena) e Alén (un neno) tapados, foi ensinando fotos de prendas de roupa e complementos e preguntándo de quén pensaban que eran, colocando cada foto para un lado ou para o outro.

   Logo destapou os bonecos para comprobar os acertos e erros.

   O seguinte paso foi comentar porqué pensaron que a camisa rosa era a da nena ou o monopatín do neno.

   O taller rematou repartindo ás nenas broches con forma de camiseta azul e ó nenos broches con camisetas rosas.

 
   E por último sacamos unha foto cós protagonistas; Marea e Alén.

MOCHILA TEMÁTICA: AS CHARCAS

    Esta semana a mochila temática comezou a súa viaxe polo CRA cun lote de contos sobre persoaxes das charcas: rás, cágados, tartarugas...
    Os nenos de cada escola poderán desfrutar destes contos unhas 3 semanas e logo viaxará a outra das nosas escolas.

El papagayo pancho habla fatal y se queda tan ancho

    Conto da colección Terapicuentos que contamos nos talleres de estimulación da linguaxe.  Logo de leelo comentámolo para ver a importancia da correcta expresión oral e de non rirse dos que teñen algunha dificultade na fala porque tamén o acaban conseguindo.