É tempo de Nadal

 Chegamos ao remate do noso primeiro trimestre. e como non podía ser doutra maneira, cos nosos mellores desexos e festexos para o vindeiro ano novo, cargado sobre todo, de moita saúde e grandes momentos por compartir. Velaquí unha pequena mostra dos traballos dos últimos días nas escolas do CRA: lectura de contos, traballos de textos e palabras significativas, postais de felicitación para as familias, cartas de Nadal, agasallos, manualidades... e sobre todo moito moito amor! Boas Festas!

As CRATECA móbil polas escolas

 A CRATECA móbil chegou ás nosas escolas e funciona con moito éxito! As familias amosáronse moi participativas e colaboran no bo funcionamento das mesmas, seguindo sempre as medidas de hixiene e o protocolo da nosa biblioteca! Porque ler mola!

Sección temática: os dereitos humanos, o inverno e o Nadal

 Neste vindeiro mes de decembro ofrecemos unha pequena mestura de títulos para traballar sobre diversas temáticas que se abordan neste mes. 

Por unha banda traballar sobre os dereitos humanos e das persoas, así como tamén os dos nenos e as nenas.

E por outra banda, as inminentes e esperadas festas de Nadal coa chegada do frío inverno.

   

       

Novembro: o mes de Neira Vilas

Novembro é un mes moi especial para a comunidade educativa do noso CRA, xa que é o mes de Neira Vilas. 

Aproveitando a súa versatilidade na escrita, e as súas obras de gran calidade adicadadas a nenos e nenas, traballamos distintas secuencias didácticas en conxunto co equipo de Dinamización Lingüística, maioritariariamente adicadas ao texto poético. Cada mestre e mestra desenvolveu unha secuencia didáctica axeitadas ás características, necesidades e intereses do seu alumnado.

Para ver mais información, clicade na imaxe.

O 25 N, o día da non violencia de xénero nas escolas do CRA

Este curso decidimos traballar dunha forma conxunta e global o día da non violencia de xénero, os valores do coidado e respecto polos demais, e a necesidade dunha convivencia empática e harmónica.

Para iso realizamos un variado de actividades:

- lectura de libros relacionados coa temática e distintas actividades cos mesmos

- actividades artísticas e reivindicativas nos patios das nosas escolas

- visionado dun conto con maxia 

- teatros de sombras...

Para saber mais sobre o noso traballo conxunto e interescolas, clicade na imaxe.

Sección Temática: Igualdade e non violencia de xénero

 A sección temática que preparamos para este mes de novembro xira entorno ao traballo pola igualdade e a non violencia de xénero. Cremos firmemente que a concienciación dende as idades mais temperás, creará adultos do futuro empáticos/as e respetuosos/as. Ofrecemos as propostas de fondos da bilioteca ás escolas e especialistas para que fagan chegar ao seu alumnado do xeito que mellor consideren.

CRATECA MÓBIL: CAIXAS ROTATORIAS

Dende o equipo de Biblioteca e o claustro do CRA, consideramos de vital importancia fomentar o gusto e interese pola lectura nos nosos nenos e nenas e as súas familias, sexa como sexa a situación sanitaria actual, xa que demostrado está, que a lectura foi un gran apoio para moitos e moitas en tempos mais complexos de confinamento domiciliario. 

Polo tanto, e dada a situación na que nos atopamos provocada pola COVID, e coa necesidade de seguir os protocolos establecidos para coidar a nosa saúde e a dos demais, decidimos poñer en marcha unha actividade para dinamizar os fondos da biblioteca e facelos chegar á nosa comunidade educativa dándolles tamén a opción de poder achegarse ás diferentes tipoloxías textuais.  

Esta actividade consiste en facer rotar as 8 caixas creadas por tódolas escolas, deste xeito o tempo estimado de permanencia en cada unha será de aproximadamente un mes. A xestión das mesmas, xirará en base ás necesidades de cada titoría. A proposta comeza aquí, xa vos iremos contando como se desenvolve e a acollida que ten nas nosas familias e na nosa rapazada!

As caixas rotaotrias na biblioteca preparadas para ir para as escolas!